E Campanella in càrciri vivìu
Forsi pentutu, pecchì poi cangiau;
e nto i libri chi appressu preparau
a monorchia spagnola difendìu.

Pemmu u si sarva paccìu si fingìu:
ma u Conti î Lemos, chi tandu u fermau,
ogni disegnu infami nci chjudìu;
e u re Filippu terzu acuntentau.

Filippu terzu i n'annu ndavìa jutu
mu reggi u tronu i Spagna; ma non fu
né quant'ô nonnu e u patri mai aggradutu

e mancu ndeppi nu ministru cchjù
capaci mu diriggi e u duna ajutu.
E chistu u poi sapìri puru tu.

I tandu cominciava a decadenza
du prestigiu dâ Spagna; non cchjù boni
l'Asburgu, subentraru poi i Borboni.
A Napoli poi ndèppuru influenza

l'Asburgu d'Austria. Certu a potenza
di Napoli tornava a jorni boni
sulu cu Carlu terzu di Borboni.
Castelvetere ndeppi convenienza:

Duranti u regnu i Carlu si laprìru
i mineri di Crochi e Sant'Ilariu,
mineri î rami; e poi n'atta d'argentu.

Nci fu lavuru e s'ingrossau l'erariu;
s'abbellìu ogni chjesa e ogni cummentu.
e i famigghj criscìru e s'arricchiru.

Pe dimostrari prestigiu e potenza,
e pe vantari mèriti e virtù,
quarchi famigghja ndeppi a cumpiacenza
mu porta in casa Turchi in servitù.

E quarchi turcu, avendu intelligenza,
fu poi affrancatu d'ogni schjvitù;
anzi si convertìu, e cu coscienza
ogni patruni u rispettau di cchjù.

Quarcunu fu adottatu, e pigghjau u nomi
î da famigghja chi prima servìa;
Ubaldo Francu spiega quandu e comi;

e chjari esempi risultanu a mìa.
E perciò tanti nòbili cugnomi
D'oji, pigghjanu u sangu dâ Turchìa.