E adaccussì ndi vozzi e ndi legau.
Castelvetere doppu a sua venuta
Ogni gnornu di ccghjù si preparau
mu faci sempri na bella viduta.

Funzionau megghju e di cchjù lavurau
chìda minèra î Campoli, tenuta
da Fieramosca Cesare; e dassau
u nomi e perciò sempri canusciuta

fu pe "miniera Fieramosca". U frati
fu Ettore, famosu, chi a Barletta
s'armau di boni lanci e boni spati,

dissi ê Francesi "Chi la fa l'aspetta";
e, doppu chi i dassau tutti atterrati,
godìu a vittoria cu coscienza netta.

Viditi vui, chi tempi canuscimmi?
Tempi di gloria! E moni chi vivìmu?
Tempi di tangentopoli! E sapìmu
si a Caulonia trasimmi e nescimmi

nta sti tangenti, e adduvi mai finimmi?
Tandu i Carafa (nte scritti lejìmu)
ndèppurru Grotteria; e nui cridìmu
ca jimmi megghju pecchì ndi jungimmi.

Ma mo quantu cuntamu ? U cumbinammi
chistu pajisi nostru (Diu u nd'ajuta !)
chi quasi in distruzioni già u mandammi.

A fami î cui amministra non s'astuta;
e, puru si già tuttu consumammi,
quarcosa ancora sciupa a ogni seduta.

Non c'è mancu da fari u paragoni
cu l'òmini ed î tempi ì mò e di tandu;
eu, chi chisti canusciu e chi studiandu
guardu chid'atti comu fussi moni,

pozzu diri si furu assai cchjù boni
chisti o chid'atti; sempri valutando
i differenzi veri, e calculandu
òmini e mezzi, per ogni lezioni.

Puru considerandu a differenza
dî mezzi e dî sistemi, 'on trovi unu
incoscienti tra i vecchj: Tutti sobri.

E dimostraru certu a cunsistenza
l'òmini antichi nostri u setti ottobri du
Millicincucentusettantunu.