Mèdici illustri ottu nda ricordu:
I quattro Sergio, Menelao Minìci,
ed Alessandru Asciutti, chi - si dici -
fu tra icchju bravi; e poi certu non scordu

Giovambattista Aiossa. Ma u ricordu
Cchjù forti vaji, e a lodi cchjù felici,
a Vincenzo Protospataro: Fici
u medicu a Napoli; e fu d'accordu

sempre cu Vicerè, degnu ed amatu.
E, si parramu mô di religiosi,
nu religiosu dottu e rispettatu

fu Carlo Pancalo: che tutti i cosi
sai dassau ê poveri, e fu chiamatu
a servizio du Papa. Atti gloriosi!

Clemente nono u chjamau ô Vaticanu,
e u fici segretariu. Ricordamu
Ilario Protospataro: Luntanu
Fu puru; infatti a Napoli u trovamu

canonicu dâ cattedrali; manu
di santu, e ingegnu chi tutti lodamu;
dottore in jure utroque . Cappellanu
da cappella regali già trovamu

l' anno Millitricentottantasei
a Napoli, cu re e ca regina
Margherita, Raffaele Maffei.

Fu prima in grazia, poi catti in rovina
î Carlo terzu i Durazzo u Maffei,
e quasi vitti a morti ormai vicina.